TIRANË– Kreu i Nismës Thurrje Endrit Shabani ka shpallur zyrtarisht kandidaturën për kryebashkiak të Tiranës. I ftuar në “Open” Shabani tha se Këlliçi është duke dëgjuar qytetarët mirëpo ka pasur kohë mjaftueshëm ndërsa për Veliajn tha se “ka shumë zullume.”
Endrit Shabani: Unë si Endrit do drejtoj fushatën përballë këtyre të dyve, pasi Tirana ka nevojë për një alternativë më të shëndetshme. Unë nuk merrem me karakteret por me politikën. Veliaj nuk e rregullon dot trafikun në Tiranë për shkak të interesave. Ne duam një transport publik dhe jo privat. Studentët do të udhëtojnë më kartë studenti dhe pensionistët me kartë pensioni. Këlliçi është duke dëgjuar qytetarët, për mua ka pasur kohë bollë për ti dëgjuar. Veliaj ka shumë zullume, qytetari mjafton të hapë dritaren të shoh. Qyteti ka nevojë për një organizim të ri për invers të qytetarit. Infrastruktura është një ndër problemet kryesore.
