TIRANË– Ministri i Brendshëm Bledi Çuçi ka deklaruar këtë enjte pas mbledhjes së qeverisë se sa i përket Vetting-ut në Policinë e Shtetit është përjashtuar trupa e madhe e policisë dhe do të futen në vetting vetëm kupola drejtuese. Në total 300 drejtues të lartë do të vetohen në sitën e vetting-ut. Po ashtu Çuçi deklaoi se policia kriminale do të riformatohet.
Pyetje: Vettingu në Policinë e Shtetit u pezullua për muaj me radhë, çfarë ndodhi që u rikthye tani në prag të zgjedhjeve lokale?
Bledi Çuçi: Vettingu në polici është pezulluar kohë më parë me ligj dhe ne morëm kohën e duhur për ta ribërë ligjin në polici siç na keni ndjekur kemi miratuar dhe ndyrshet në ligjin për Vettingun e policisë. Aty parashikuam dhe ka nisur vetëm për pjesën drejtuese të Policisë së Shtetit dhe duke hequr nga vetimi trupën e madhe. Janë vetëm 300 funksione të kupolës që do të vetohen. Nuk ka as pezullimin as rifillim dhe as lidhje me zgjedhjet. Gjithashtu morëm vendimin për t’i hapur rrugë zbatimit dhe implementimit të strukturës së re në Policinë e Shtetit duke miratuar të gjithë strukturën e gradave në qeveri. Tashmë struktura fillon zbatimin dhe është një nga reformat më të mëdhaja që ka bërë Policia e Shtetit sidomos për të adresuar riorganizimin e policisë kriminale. Besoj është një nga vendimet më të rëndësishme edhe në zbatim të objektivave të ministrit të Brendshëm.
