TIRANË– Një aksident i rëndë është regjistruar mbrëmjen e kësaj të enjte në kryeqytet, në hyrjen e rrugës që të dërgon nga zona e “21 Dhjetorit” në drejtim të “Myslym Shyrit”. Bëhet me dije se 3 automjete janë përfshirë në një aksident në kryqëzim, ndërsa shoferët dhe pasagjerët janë nxjerrë me vështirësi.
Kanë mbërritur në vendin e ngjarjes shërbimet e Policisë Rrugore të Tiranës, ndërkohë që është kërkuar me urgjencë ambulanca. Burime bëjnë me dije se shoferi i një prej makinave është i plagosur rëndë, ndërkohë dy persona të tjerë janë në gjendje më të mirë shëndetësore.
Ndërkohë mesohet, se shoferi i njëres prej makinave të përfshira në aksident është larguar nga vendngjarja, duke brakstisur automjetin.
NJOFTIMI I POLICISË:
Tiranë/Informacion paraprak
Më datë 23.02.2023, në afërsi të Vasil Shantos, një automjet me drejtues ende të paidentifikuar (larguar nga vendi i aksidentit), ka përplasur automjetet me drejtues shtetasit E. M., A. P., dhe A. M.
Si pasojë e aksidentit janë dëmtuar drejtuesi i automjetit shtetasi E. M., dhe pasagjerët e automjeteve, shtetasit A. S., J. Q., A. P., dhe E. M., të cilët ndodhen në spital, nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të aksidentit dhe kapjen e drejtuesit që është larguar.
