MEKSIKË– Arrestimi i djalit të bosit famëkeq të drogës në Meksikë El Chapo ka shkaktuar dhjetëra të vrarë dhe kaos në rrugët e qytetit të Sinalos pas trazirave dhe demostratave të dhunshme. Ovidio Guzman-Lopez u arrestua ditën e djeshme dhe po mbahet në Polici nën masa të rrepta sigurie. 29 persona kanë mbetur të vrarë gjatë këtyre trazirave, 10 ushtarë meksikanë dhe 19 anëtarë të bandave. Kjo për shkak të përplasjeve me armë. Anëtret e bandës kanë sulmuar disa hrerë policinë, e cila i është kundërpërgjigjur.
Gjithashtu kanë mbetur të plagosur 35 ushtarë, ndërsa janë arrestuar 21 persona të përfshirë në kartelin që drejtohej nga djali i “El Chapos”. Guzman Lopez, i njohur me nofkën “The Mouse” (Miu), u arrestua një ditë më parë në qytetin e Culiacan e më pas u dërgua në Mexico City ku do të burgoset. Ai akuzohet se drejton një fraksion të kartelit Sinaloa, një prej organizatave kriminale më të mëdha për trafikun e drogës.
