FUSHË-ARRËZ–Pas arrestimit të ish-kryebashkiakut të Fushë-Arrëzit Fran Tuci dhe lënien e tij në burg nga Prokuroria e Posaçme për akuzën e shpërdorimit të detyrës banorët e fshatit Berishës kanë protestuar sërish këtë të shtunë duke kërkuar lirimin e Tucit. Sipas tyre rruga ishte ekzistuese që në kohen e diktatures, të cilën e kishte hapur gjeologjia dhe se gjithë traseja nuk kalon në pyje të larte sic pretendohet edhe për përllogaritjen e dëmit.
Banorët akuzojnë një kompani private për shfrytëzimin e kromit se ka bllokuar rrugën, që lidh ato me qendrëën e njësisë administrative. Ata i bëjnë thirrje SPAK të inspektojë aktivitetin e kësaj kompanie, e cila edhe pse ka shkaktuar dëme, sipas tyre askush nuk merret me të.
