HOLANDË– Një ngjarje e rëndë është regjistruar rreth 27 kilometra në veri të ishullit holandez të Ameland ku një anije mallrash u përfshi nga flakët duke regjistruar një viktimë dhe mbi 16 të plagosur. Raportohet se anija 200 metra e gjatë, e cila po udhëtonte nga Bremerhaven, Gjermani, për në Port Said të Egjiptit, mbante 2857 makina, 25 prej të cilave elektrike, të gjitha kanë përfunduatr të fundosura nëe ujë. Ekuipazhi në përpjekje për të shpëtuar janë hedhur në ujin e thellë.
Mediat holandeze raportojnë se në bord ishin 23 anëtarë të ekuipazhit. Roja bregdetare tha se ekuipazhi u përpoq ta shuante vetë zjarrin, por dështoi sepse zjarri u përhap shumë shpejt dhe përfundimisht anija duhej të evakuohej. Një zëdhënës i rojes bregdetare nuk tregoi se kush ishte anëtari i ekuipazhit të vdekur dhe çfarë e shkaktoi vdekjen e tij. Ai gjithashtu nuk kishte informacione se sa të rënda ishin lëndimet. 7 anëtarë të ekuipazhit u hodhën në bord dhe pjesa tjetër u zbarkuan nga helikopterët e Rojës Bregdetare.
