TIRANË– Është zbardhur shkaku i shpërthimit të flakëve në një lokal në zonën e “Brrylit” në kryeqytet mbrëmjen e djeshme. Sipas Policisë shkak për zjarrin është rrjedhja e një bombole gazi. Flakët u përhapën me shpejtësi në të gjithë ambientin duke shkrumbuar gjithçka. Fatmirësisht nuk janë shënuar viktima.
NJOFTIMI I POLICISË:
Më datë 27.12.2022, rreth orës 23:40, te Brryli ka rënë zjarr në një lokal dhe zjarri është përhapur dhe në një lokal tjetër ngjitur tij. Zjarri është fikur dhe si pasojë ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të ngjarjes.
