KOSOVË– Një incident i paprecedentë është regjistruar në Kosovë dhe e gjitha kjo para syve të ministrit të Bujqësisë së Kosovës Faton Peci. Një vogëlueshe e komunitetit rom duket se i ka prishur ‘qetësinë’ e bisedës ministrit. Në një video të publikuar në rrjetin social Facebook nga deputeti Veton Berisha, njëherësh edhe kryetar i PLE-së, shihet vajza e vogël që futet në një lokal ku ishte ministri Peci dhe shkon drejt tryezës së tij pa e ditur se bëhej fjalë për një ministër dhe kërkon lëmoshë por kamerieri i bën shenjë të largohet. Kur vajza e vogël nuk bindet, kamerieri e ngre në krahë nga rrobat dhe e nxjerr jashtë.
Dhe pse kjo skemë e turpshme ndodh para syve të tij është e habitshme heshtja dhe mos reagimi i zyrtarit të lartë shtetëror që zgjedh të injorojë situatën. Kur video kishte ”marrë dhenë” Peci reagoi në Facebook duke dhënë dhe justifikimin e tij. Ai shkruan se ka qenë i përqëndruar në bisedë e nuk ka pasur aspak për qëllim të tregohet indiferent ndaj vajzës. Më tej shton ai një sitruatë e tillë num mund të përdoret politikisht dhe nuk mund që ti zbehë sukseset e ministrisë të cilë ai drejton, duke theksuar se rivalët politikë e kanë të vështirë të gjejnë skandale dhe merren me këto sulme.
