POGRADEC– Një rast i rëndë dhune është regjistruar në Pogradec. Një efektiv policie i identifikuar si Gjergji Riza ka dhunua në hyrjen e një pallati të riun Ervin Norolla. Ngjarja ka ndodhur më date 8 shkurt. Ai është filmuar nga kamerat e sigurisë të një banese teksa e fut të riun në hyrje dhe më pas e godet me shpulla, e kap për fyti dhe e përplas në mur. Policia ende nuk ka reaguar për rastin. Mësohet se Drejtoria e Përgjithshme e ka pezulluar fillimisht oficerin i cili punonte më parë në Pogradec, ndërsa tashmë është në Drejtorinë Vendore të Policisë Korçë.
“Më vraftë Allahu, nuk bëj gjëra të tilla, kam nënë, kam motër….për Zotin. Mos gjuaj më se do të të shikojnë te kamerat,”dëgjohet të thotë Narolli në video.
“Ec more legen….b***m***,”- shton efektivi Riza dhe i gjuan me shkelma nga pas duke e shtyrë nëpër shkallë.
Raportohet se Gjergji Riza prej disa kohësh ka shfaqur probleme me kujtesën. Për shkak të gjendjes shëndetësore ai ishte transferuar nga Komisariati i Pogardecit në DVP Korçë. Oficeri ka kërkuar të dalë në kemp, kërkesë e cila ende nuk ishte miratuar.
