TIRANË– Operacioni i koduar “Fijet” nga Policia e Shtetit është shtrirë ditën e sotme në qarqet e Gjirokastrës dhe Dibrës ku kanë bërë të mundur çmontimin e 4 kamerave të vendosur në mënyrë të jashtëligjshme nga grupet kriminale, të cilat kishin për qëllimim kontrollin e qytetarëve. Tre kamera u çmontuan në Memaliaj dhe 1 në Burrel ndërkohë në hetim janë vënë 2 persona.
NJOFTIMI I POLICISË:
Policia e Shtetit. Vijon plani operacional i koduar “Fijet”, i iniciuar nga Drejtoria e Përgjithshme e Policisë së Shtetit, në të gjitha qarqet e vendit. Në fazën e gjashtë dhe të shtatë, operacioni po vijon në qarqet Gjirokastër dhe Dibër, ku janë vënë në hetim 2 shtetas, për ndërhyrje të padrejta në jetën private. Gjatë kontrolleve, Policia çmontoi në Memaliaj, 3 kamera të vendosura në kundërshtim me ligjin, si dhe ka vënë në hetim shtetasin P. K. Ndërkohë, në qytetin e Burrelit, Policia çmontoi 1 kamer të vendosur në kundërshtim me ligjin, si dhe ka vënë në hetim shtetasin G. D. Operacioni policor i koduar “Fijet” vijon.
