TIRANË– Ambasadorja amerikane në Tiranë Yuri Kim ka mbërritur në ambientet e Këshillit të Lartë të Prokurorisë ku po zhvillohet seanca dëgjimore për përzgjedhjen e kreut të ri të Strukturës së Posaçme Kundër Korruopsionit dhe Krimit të Organizuar (SPAK).
Diplomatja amerikane duket se do të monitorojë nga afër procesin e votimit që të zhvillojë KLP-ja pas përfundimit të seancës dëgjimore me kandidatët në garë, konkretisht: Adnan Xholi, Edvin Kondili dhe Altin Dumani.
Mbërritja e Kim i habiti anëtarët e KLP që deri në atë moment ishin duke qëndruar të palëvizur në tryezë.
Më herët gjatë ditës së sotme diplomatja amerikane ka kërkuar që ku proces të jetë i pandikueshëm nga palët e jashtme. Kjo vizitë e diplomates vjen në kohën ku ‘përplasjet’ mes saj dhe kryeministrit Edi Rama janë rritur kohët e fundit dhe shkak duket se është bërë pikërisht përzgjedhja e kreut të ri të SPAK.
