GJIROKASTËR: Kryeministri i vendit Edi Rama ka bërë me dije me anë të nje videoje të postuar në rrjetet sociale rikthimin e Festivali Folklorik Kombëtar në Gjirokastër. Ky aktivitet do të zhvillohet nga data 24 qershor deri më 1 korrik në Kalanë e Gjirokastrës. Festivali do të ketë në vëmendje motivet, ritmet, këngët e vallet e të gjithë krahinave shqiptare.
Kujtojmë këtu se, edicioni i parë i këtij festivali është çelur në 11 tetor të vitit 1968 në qytetin muze të Gjirokastrës duke u konsideruar si një festival unikal në ruajtjen, mbrojtjen dhe popullarizimin e trashëgimisë kulturore shpirtërore në Shqipëri.
