TIRANË- Kryeministri Edi Rama është gjendur ditën e sotme në një sitiuatë të sikletshme. Gjatë kohës që po shpërndante certifakata për fituesit e konkursit të pikturës “Shqipëria Ime” kreu i qeverisë u përball me një vazjë të vogël nga Berati, e cila i shprehu Ramës dëshirën që në fshatin e saj trë kishte një shkollë.
Duket se ky moment nuk i ka pëlqyer kryeministrit, i cili u mundua të shmanget dhe t’ia delegojë përgjigjen ministres së Arsimit Evis Kushi. Siç shihet në video gjatë kohës që kreu i ekzekutivit po bisedon me nxënësit që të grumbullohen për foton e fundit vajza vjen nga pas dhe prek kryeministrin në shpatull i shpreh dëshirën e saj por dhe të dhjetëra nxënësve që si ajo në fshatin Goriçan të Beratit prej tre vitesh nuk kanë shkollë.
“Kam tre vjet që nuk kam shkollë, kam shumë dëshirë që shkolla jonë të bëhet. Nga Berati, Goriçani”, tha vajza.
Ndërkohë ministrja mundohet ta përcjellë me buzëqeshje duke i thënë se po punohet dhe shkolla do të bëhet shumë shpejt. Ministrja në pamundësi mbase për ti censuruar zërin e përkëdhel në fytyrë dhe e sposton vëmendjen diku tjetër.
