TIRANË– Seanca e sotme plenare ishte një kaos total pas bllokimit të foltores nga kryetari i Partisë Demokratike Sali Berisha dhe deputetët demokratë. Në këtë moment kur debati kishte precipituar në kaos deputeti Gazment Bardhi ngrihet nga vendi i tij dhe shkon drejt vendit ku qëndrojnë anëtaret e kabinetit në të cilët ishin ulur vetëm ministret. Siç mund të shihet edhe në video ai afrohet dhe tenton t’u hedhi diçka.
Në këtë moment ndërhyn Garda de Republikës e pranishme në sallë dhe “blindon” kabinetin qeveritar duke mos i lënë asnjë shteg kalimi Bardhit që duket që niset të shkojë drejt vendit ku ishte ulur ministrja e Shtetit për Marrëdhënien me Parlamentin Elisa Spiropali. Ndërsa në një moment tjetër ai duket se tenton të marrë apo të grisë diçka nga tavolina ku ishte ulur ministrja e Kulturës Elva Margariti.
