Policia e Vlorës ka zbardhur 4 raste vjedhjesh, duke identifikuar, kapur dhe arrestuar dy autorët e dyshuar, të dy me precedentë të mëparshëm kriminal.
Autorët 43 dhe 26 vjeç, përkatësisht B.K dhe L.K, janë të dy banues në fshatin Dukat i Vjetër, Orikum.
Nga veprimet hetimore dyshohet se këta shtetas, në bashkëpunim me njëri-tjetrin, kanë kryer 4 vjedhje të ndryshme si shtëpi private, lokale dhe një rulo turistësh gjermanë.
Njoftimi i Policisë
Specialistët për Hetimin e Krimeve të Komisariatit të Policisë Vlorë, në bashkëpunim me Stacionin e Policisë Orikum, kanë finalizuar operacionin policor të koduar “Shatai”, me qëllim parandalimin e vjedhjeve, zbardhjen e tyre të ndodhura më vonë si dhe vënien e autorëve përpara përgjegjësisë ligjore duke patur parasysh ankesat e disa qytetarëve.
Nga hetimi i Policisë janë zbardhur 4 raste vjedhjesh; janë identifikuar dhe janë vënë në pranga 2 autorët e dyshuar, të dy me precedentë penalë. Si rezultat i këtij operacioni u bë arrestimi i shtetasve:
-B. K., 43 vjeç dhe L. K., 26 vjeç, të banues në fshatin Dukat i Vjetër, Orikum.
Nga veprimet hetimore dyshohet se këta shtetas, në bashkëpunim me njëri-tjetrin, kanë kryer 4 vjedhje të ndryshme, konkretisht:
-më datë 07.09.2023, dyshohet se kanë vjedhur pajisje pune në një lokal, në rrugën nacionale Llogara-Orikum;
-më datë 15.05.2023, dyshohet se kanë vjedhur sende me vlerë dhe aksesorë të ndryshëm, brenda në automjeti rulot me targa gjermane, në aksin rrugor Llogara-Orikum;
-më datë 02.05.2023, dyshohet se kanë vjedhur bizhuteri floriri dhe sende me vlerë, në një banesë në fshatin Dukat;
-më datë 02.03.2023, dyshohet se kanë vjedhur pajisje elektroshtëpiake në një banesë në fshatin Dukat.
Materialet procedurale i kaluan Prokurorisë, për veprime të mëtejshme, për veprën penale “Vjedhja”, kryer në bashkëpunim.
