SHKODËR– Një ngjarje e rëndë është regjistruar mëngjesin e kësaj të hëne në Shkodër. Raportohet një fadromë në pronësi të bashkisë së Shkodrës është djegur në vendin e quajtur Plavra. Lajmin e ka bërë me dije bashkia përmes një postimi në Facebook ku shkruan se mjeti prej ditësh po kryente ndërhyrje emergjente “Pastrim inertesh në rrugën e Dukagjinit, segmenti Kir – Mal i Shoshit”. Në fund të reagimit të saj bashkia i bën thirrje autoriteteve që të zbardhin ngjarjen. Deri më tani blutë e Shkodrës nuk kanë bërë asnjë reagim në lidhje me ngjarjen.
POSTIMI:
Një akt i rëndë është shënuar në orët e para të mëngjesit të kësaj të hëne. Persona të paidentifikuar kanë djegur mjetin fadromë të Bashkisë Shkodër i cili po kryente prej ditësh ndërhyrje emergjente “Pastrim inertesh në rrugën e Dukagjinit, segmenti Kir – Mal i Shoshit”, vendi i quajtuar Plavra. Bashkia Shkodër i bën thirrje autoriteteve ligjzbatuese të zbardhin sa më parë këtë ngjarje.
