TURQI– Kryeministri Edi Rama ka dhuruar në emër të qeverisë shqiptare 1 milionë euro për Turqinë pas tërmetit tragjik që tronditi kufirin mes Turqisë dhe Sirisë e që la më shumë se 30 mijë të vdekur dhe mijëra të plagosur. Lajmin e dha në një prononcim për kanalin turk “TRT1”. Por nuk dihet ende se si u mor ky vendim dhe se kur është mbledhur Këshilli i Ministrave. Po ashtu mbete ende e paqartë nëse ky venmdim është marrë dhe për Sirinë.
Edi Rama: Përshëndetje, mirëmbrëma.
Moderatori: Faleminderit që iu bashkuat programin tonë.
Edi Rama: Faleminderit që më telefonuat dhe që jam në televizion. Edhe Shqipëria kishte një ditë zie, më 13 shkurt. Shpresim solidaritet dhe në të njëjtën tonë jemi pranë jush në këtë tragjedi. Nuk do e harrojmë kurrë se çfarë ka bërë Turqia për në gjatë tërmetit dhe pandemisë së koronvirisit. Lutemi për të gjitha familjet.
Moderatori: Faleminderit për solidaritetin tuaj.
Edi Rama: Nëse mundem, qeveria shqiptare do të dhurojë 1 milionë euro. E di nevojat janë shumë më të mëdha, por kaq mund të bëjmë në këtë moment që të jemi bashkë.
Moderatori: Shqipëria mund të jetë vend i vogël, por ka zemër të madhe. Faleminderit që na u bashkuat.
Por ende nuk dihet sesi është marrë vendimi për dhurimin e parave për Turqinë, e nëse i njëjti vendim është marrë edhe për Sirinë që gjithashtu është goditur nga tërmeti. Tanimë në dy vendet janë shënuar mbi 41 mijë viktima.
