LEZHË– Një tragjedi është parandaluar ditën e sotme në Lezhë. Një familje prej pesë anëtarësh kanë rrezikuar jetën duke tentuar të kalojnë me makinë përroin në fshatin Kalur të Njësisë Adminstrative Ungrej të Bashkisë Lezhë. Në momentin që ata po kalonin makina mbeti e bllokuar në rrjedhën e fuqishme të krijuar si pasojë e reshjeve intensive që kanë përfshirë vendin prej dy ditësh.
Kanë qenë banorët e zonës që kanë ndërhyrë menjëherë duke shmangur një tragjedi të mundshme pasi niveli përroit ishte rritur ndjeshëm dhe rrjedha e tij ishte e fortë. Ata nuk ishin në dijeni të thellësësisë së ujit dhe menduan se do të çanin mes përmes tij. Mësohet se ata po ktheheshin nga një ceremoni mortore.
