TIRANË– Admir Sinamati, kandidati i koalicionit “Bashkë Fitojmë” për bashkinë e Kukësit, i cili humbi përballë ish-kryebashkiakut Safet Gjici deklaroi këtë të hënë se para zgjedhjeve një person i ishte ofruar për një video kompromentuese, por që ai e kishte refuzuar. Duke folur në emisionin “Kontrast” Sinamati i zbuloi se në javën e parë të fushatës, një qytetar i ka ofruar një video kompromentuese, por që përgjigjja e tij ishte se nuk merrej me përndjekje dhe se me kundërshtarin ka betejë politike.
Safet Gjici: Sa për dijeni. Në javën e parë të fushatës më është prezantuar një qytetar, më ofroi një video komprometuese. I thashë nuk jam njeri që merrem me përndjekje të personave, më tepër të rivalëve të tij. I thashë nëse ke diçka, drejtoju organeve ligjzbatuese. Unë me kundërshtarin tim kam një betejë politike. Materialin që më është ofruar atëherë, nuk e kam parë. Jam larg këtyre formave. Ai person që më tha për videon, ishte person i panjohur për mua. Të them të vërtetën rezervohem në drejtën për të folur, pasi qytetarët shqiptarë janë njohur me këtë aferë dhe sa kohë kjo çështje i takon hetimit dhe shqyrtimit në organet ligjzbatuese, s’kam dëshirë të komentoj.
