DURRËS– Një ngjarje tronditëse është regjistruar mbrëmjen e djeshme në Durrës. Në një video të postuar në rrjetet sociale nga ”JOQ” shihet sesi një djalë dhunon një vajzë. Në video shihet djali që godet, bullizon dhe detyron vajzën që të bëjë veprime që nuk do. I riu, fillimisht e godet vajzën dhe më pas e kërcënon se do të bëjë me të ç’të dojë nëse nuk i bindet atij. Më pas e detyron, të ulet në gjunjë dhe t’i puthë këmbët shoqes së saj, e cila me krenari filmon momentin.
BISEDA:
Djali: Për ça e thu? Ee, për ça e thu? Uli duart.
Vajza: S’të kuptova
Djali: Pse shko dhe thua… Thuaj Kiarës të hëngsha m***. Tani direkte, thuaji…
Vajza: Më fal o Kiara….
Djali: Do i bësh më këto gabime?
Vajza: Jo
Djali: Po i bëre prap?
Vajza: Më bëj ca të duash
Djali: Ça do të bëj. Të bëj ça të dua unë? Do hash vetëm dajak, a kuptove. Ulu tani në gjunjë dhe puthi këmbët Kiarës.
Vajza: Ca të bëj
Djali: Ulu tani dhe puthi këmbës Kiarës, ta mbyllim muhabetin
Vajza që filmon: Mos e mbyll lale
Djali: Puthi këmbët
Vajza: Si ta puth
Djali: Ngreje këmbën Kiara. Puthe këtu…
View this post on Instagram
Ndërkohë pas videos ka reaguar Policia e Shtetit. Në një reagim të saj Policia e Durrësit bën me dije se ka arrestuar djalin që shfaqet në video të identifikuar me inicialet A.D. Policia e Durrësit bën me dije se të riut i është gjetur edhe një thikë gjatë kontrollit fizik. Nga ana tjetër, të dyja vajzat e mitura janë shoqëruar gjithashtu në komisariat dhe po intervistohen në prani të psikologes
NJOFTIMI I POLICISË:
Në lidhje me një video të publikuar ditën e djeshme, në rrjetet sociale, në të cilën shfaqet një shtetas që bullizonte dhe dhunonte një shtetase të mitur, ju sqarojmë se: Shërbimet e Komisariatit të Policisë Durrës, pas transmetimit të pamjeve filmike në rrjetet sociale, menjëherë kanë organizuar punën për identifikimin dhe shoqërimin e shtetasit që shfaqet në video. Shërbimet e Policisë kanë identifikuar, kapur dhe shoqëruar në ambientet e Policisë së Durrësit, shtetasin A. D., 22 vjeç, banues në lagjen nr. 6, Durrës. Në momentin e kapjes, gjatë kontrollit fizik të ushtruar ndaj këtij shtetasi, shërbimet e Policisë i kanë gjetur dhe sekuestuar një mjet prerës (thikë).22-vjeçari ndodhet i shoqëruar dhe po vijojnë veprimet për sqarimin e plotë të rrethanave të ngjarjes. Njëkohësisht, shërbimet e Policisë kanë identifikuar edhe 2 shtetaset e mitura 17-vjeçare, të përfshira në këtë ngjarje, dhe në bashkëpunim me punonjësit e shërbimit social dhe me psikologun, te dyja shtetaset do të intervistohen me qëllim dokumentimin e plotë të këtij rasti. Policia e Shtetit falënderon mediat dhe qytetarët që denoncojnë rastet e abuzimit me të mitur dhe çdo paligjshmëri tjetër, si dhe siguron qytetarët se strukturat vendore dhe qendrore të Policisë reagojnë në menyrë të menjëhershme, për të vënë përpara drejtësisë personat e përfshirë në paligjshmëri dhe në krim.
