TIRANË– Ekipi shqiptar i kërkim-shpëtimit i dërguar në Turqi për të ndihmuar autoritetet turke në nxjerrjen e personave të mbetur nën rrënojat e tërmetit tragjik që ka regjistrua deri më tani më shumë se 11 mijë viktima kanë shpëtuar nga rrënjojat një vajzë 5-vjeçare. Lajmin e ka bërë me dije ministri i Mbrojtjes Niko Peleshi ku ka shpërndarë në rrjetet sociale dhe videon nga ky moment. Peleshi bën me dije se forcat shqiptare kanë nxjerrë nga rrënojat 6 trupa të pajetë në zonën e Mallatjas, në Turqi.
POSTIMI I PELESHIT:
Në sfidë me rrënojat, motin e ftohtë e lodhjen, trupat tanë të FA janë duke punuar prej orësh, pa ndërprerje duke shpëtuar jetën e një fëmije 5 vjeç dhe duke nxjerrë nga rrënojat 6 trupa të pajetë në zonën e Mallatjas, në Turqi. Skuadrës së parë sapo i janë bashkuar edhe forcat të tjera nga Shqipëria në këtë betejë për jetën, nderkohe në dispozicion për të shtuar mbështetjen.
