SPANJË– Një operacioni Policisë spanjolle ka çuar këtë të premte në sekuestrimin e 9.5 tonë kokainë, një ndër më të mëdhatë të bëra ndonjëherë. Droga e nisur nga Ekuadori u kap në një kontenjer me banane në portin jugor të Aleciras. Sipas autoriteteve spanjolle droga e fshehur mes kutive të bananes kishte si denstinacion final tregun e Europës. Në një deklaratë Policia shprehet se ky operacion ishte një goditje e paprecedentë për një nga organizatat kriminale më të rëndësishme në botë në shpërndarjen e kokainës, duke synuar rrjetet kryesore kriminale në Evropë.
Organizata kriminale në Ekuador që ka marrë përsipër ngarkesën, ka një rrjet të madh për të transportuar drogë në Spanjë, kryesisht në portet e Algeciras dhe Vigo në veriperëndim, përmes një kompanie ndërkombëtare të tregtisë së bananeve, e vendosur në portin kryesor të bananeve të Ekuadorit, Machala.
