VLORË– Detaje të reja janë zbuluar nga mega-operacioni i Policisë së Vlorës që çoi në zbulimin e dy “shtëpive të barit”. Siç shihet edhe në pamjet e publikuara nga Policia supër vila gjigande ishte e mbushur “full”” me kanabis, i cili rritej nën kushte të ofruara nga teknologjia moderne. Ka qenë plagosja e djeshme e Dëfrim Pashaj ajo që çoi në zzbulimin e drogës në Vlorë. Falë ndjekje së Ledjon Zahaj blutë e Vlorës kapën një ‘peshk” edhe më të madh se ai që po ndiqnin.
Ndërsa shtëpia e dytë u zbulua për shkak të konsumit të lartë të energjisë. Në pranga kanë rënë dhe punonjës të OSHEE-së. Policia ka sekuestruar vilën e 42-vjeçarit Lorenc Xhaferri, në të cilën u gjetën të përshtatura dy kate për kultivim të kanabis sativa. Procedurat kanë nisur edhe për sekuestrimin edhe të një hoteli me vlerë 4-5 milionë euro në pronësi të tij në zonën e Lungomares, hotel “Florence”, i cili ka dyshime se është ngritur si rezultat i aktiviteteve kriminale.
Të arrestuar në fshatin Kropishtë: Dritan Koçiraj, Niko Dhima, Florjan Çaushaj. U bë shpallja në kërkim e Përparim Koçiraj.
Të arrestuar në lagjen “10 Korriku”: Ledjon Zahaj, Edmond Begaj dhe Gentjan Metushi. U bë shpallja në kërkim e shtetasit Lorenc Xhaferri.
