KURBIN– Janë zbardhur detaje të reja nga aksidneti tragjik në kryqëzimin e Fushë-Kuqes ku humbi jetën një 2-vjeçar dhe u plagosën disa të tjerë. “Newszone” ju sjell pamje nga vendi i ngjarjes dhe mëson se i mituri po udhëtonte në njërën nga makinat bashkë me prindërit e tij, Albi dhe Imelda Rexhepi dhe janë përplkasur “kokë me kokë” me një tjetër makinë.
I mituri dhe pse u dërgua menjëherë në spital nuk u mbijetori dot plagëve dhe ndërroi jetë rrugës për aty. Tre personat e tjerë janë në spital nën kujdesin e mjekëve. I mituri që humbi jetën është nga Miloti.
NJOFTIMI I POLICISË:
Rreth orës 18:00, në aksin rrugor dytësor Laç-Fushe Kuqe, në vendin e quajtur ” Kryqëzimi i Fushe Kuqes”, janë përplasur automjeti me drejtues shtetasin E. T. me automjetin me drejtues shtetasin A. R. Për pasojë janë dëmtuar drejtuesi A. R. dhe pasagjeria I. R. të cilët janë dërguar në spital për ndihmë mjekësore, si dhe ka ndërruar jetë fëmija i mitur 2 vjeç. Grupi hetimor vazhdon veprimet në vendngjarje për zbardhjen e plotë të rrethanave të aksidentit.
