ANGLI – Gjyqtari anësor Constantine Hatzidakis u pezullua përkohësisht të hënën në pritje të një hetimi për një sulm të dyshuar ndaj futbollistit Andy Robertson, në pjesën e parë mes Liverpool dhe Arsenal. Kolegji i arbitrave në Premier League (PGMOL) ka pezulluar Hatzidakis, ndërsa trupi dhe FA po hetojnë incidentin, që ndodhi në pjesën e parë të ndeshjes së së dielës, kur ndihmës arbitri goditi me bërryl lojtarin e Liverpool.
Në pamje shihet Andy Robertson, i cili kishte parë një karton të verdhë pak para bilbilit të pjesës, duke u drejtuar drejt asistentit dhe ai ngriti krahun duke u dukur se e kishte goditur lehtë lojtarin, me këtë të fundit të qetësuar nga Salah.
“Imazhet flasin vetë”, tha në fund trajneri i Liverpool, Jürgen Klopp. Liverpool dhe Arsenal barazuan 2-2 të dielën, në një ndeshje për xhiron e 30-të të Ligës Angleze të Futbollit, me ‘Topçinjtë’ që humbën epërsinë me dy golat e Martinelli (8′), Gabriel Jesus (28′). Për ‘Reds’ shënuan Salah (42′) dhe Firmino (87′). Arsenali kryeson ligën angleze, me 73 pikë, gjashtë më shumë se Manchester City, i cili ka një ndeshje më pak, ndërsa Liverpooli, me një sezon nën pritjet, është i teti, me 44 pikë.
