ITALI: Një ngjarje e rëndë ka ndodhur këtë të enjte në zonën Cecchignola, në jug të Romës ku një foshnjë 1-vjeçare ka ndërruar jetë pasi ka ndenjur me orë të gjata e mbyllur në makinë. Babi i foshnjës, punonjës policie e ka marrë vajzën e tij në mëngjes për ta çuar në çerdhe por fatkeqësisht e ka harruar atë brenda. Ka qënë mamaja e viktimës e cila në mesditë ka parë fëmijën e saj të kyçur brenda makinës së bashkëshortit.
Ndërkaq, ekipet e shpëtimit kanë shkuar në vendngjarje dhe kanë konstatuar vdekjen e fëmijës së vogël. Në gjendje shoku, prindërit nuk mund ta besojnë atë që ka ndodhur me vajzën e tyre të vogël. Autoritetet po kryejnë një hetim për tragjedinë.
