Ministra e Arsimit Evis Kushi zhvillon sot takimin e radhës me nxënës shkollash në qytetin e Vlorës. “Ora News” mëson se nxënësit janë nxjerrë sot nga mësimi për të pritur ministren. 3 ditë më parë sërish nxënësit e gjimnazit lanë mësimin për të pritur zyrtarë të ministrisë por këta të fundit shpjeguan se kjo ishte për projektin “këshillim karriere”. Ministrja Kushi ka sot takim me maturantët ku qëllimi është njohja me ndryshimet në tezat e provimeve të maturës. Diskutim për formën e hartimit dhe ankesat e maturantëve. Por e pazakonta është se disa shkolla kanë pezulluar mësimin për të pritur ministren.
“Ministrja e Arsimit Evis Kushi pritet që rreth orës 11:00 të jetë prezente në Vlorë, teksa do të ketë një takim me nxënës të shkollave të qytetit.
“Ashtu si çdo herë tjetër kur ndonjë deputet apo ministër zhvillon takim në qytet, nuk pyetet fare nëse këta nxënës duhet të jenë në mësim apo jo. Megjithëse sot është ditë e premte, orar shkolle me dhjetëra nxënës të shkollave fillore 9-vjeçare dhe gjimnazeve janë nxjerrë nga mësimi për të pritur ministren. Nxënësit i kanë cuar tek shkolla e marinës të organizuar, të ulur në karrige në mesin e diellit për të marrë pjesë në takimin e ministres Kushi”, raporton nga Vlora për “Ora News”, gazetari Edi Ruçi.
