PRRENJAS– Një ngjarje e rëndë është regjistruar në Prrenjas ku raportohet se një vëzhgues i koalicionit ‘Bashkë Fitojmë’ në Qukës Skënderbe është dhunuarj. Bëhet fjalë për Stiven Faqolli, i cili siç shihet dhe në video është i gjakosur në hundë e gojë.
Sitiven Faqolli: Më dhunoi Amarildo Kovaçi, djali i kryeplakut të fshatit. Gjithmonë krijon konflikte.
Rastin për mediat e ka denoncuar kandidatja e opozitës në Prrenjas, Suzana Topi e cila u shpreh se incidenti ka ndodhur në nisje të procesit të votimit mëngjesin e sotëm, ndërsa theksoi se përgjegjës për ngjarjen janë një grup huliganësh të veshur me pushtet.
Suzana Topi: “Sot në Qukës, Skënderbe është përgjakur procesi i votimit. Një grup huliganësh kanë goditur vazhguesin tim të jashtëm dhe e shikoni se në çfarë gjendje është bërë. Një proces i cili që ka filluar në orët e para të mëngjesit është përgjakur dhe është intimiduar nga persona të cilët janë të veshur me pushtet. Jam këtu për ta denoncuar rastin, sepse është pikërisht armata shtetërore e cila është përballë nesh.
