TIRANË– Reshjet e dendura të dëborës kanë bllokuar veriun e vendit që prej orëve të para të mëngjesit. Autoriteti Rrugor Shqiptar përmes një njoftimi bën me dije se Thethi, Lëpusha dhe Kelmendi janë të mbuluar nga dëborë ndërsa borëpastrueset po punojnë për hapjen e rrugëve.
NJOFTIMI I ARRSH:
Në Qafë Thore-Theth kanë filluar reshjet e dëborës. Po punohet me borëpastruese dhe me shpërndarjen e kripës për ta mbajtur qarkullimin në normalitet. Tregoni kujdes të shtuar gjatë drejtimit të mjetit, në kohë me reshje pajisuni me goma dimërore kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.
