TIRANË– Pamjet që shihni tregojnë momentin kur 21-vjeçari Stivens Toshkesi vrapon për të shkuar në shtëpinë e tij i plagosur ndërsa një prej autorëve vijon ta ndjekë nga pas. Në pamjet e siguruara nga “Euronews Albania” shihet një nga autorët që pasi e ndjek për pak heq dorë nga ndjekja ndërsa i riu bie në tokë ku dhe gjendet nga kalimtarët. Ai humbi jetën në spital për shkak të plagëve të marra nga goditjet e thikës.
Raportohet se përplasje me të rinjve ka ardhur pas një sherri që këta kanë pasur ku “mollë sherri” ka qenë e dashura e Toshkesit. Mësohet se njëri nga 18-vjeçarët ngacmonte të dashurën e Toahkesit. Lidhur me këtë tre të rinjtë ishin takuar me njëri-tjetrin në “Rrugën e Elbasanit” ku 21-vjeçari i kishte rrahur. Me sa duket Maze dhe Hoxhaj i kanë zënë pritë 21-vjeçarit ku dhe e kanë goditir për vdekje dhe lënë të gjakosur në mes të rrugës. Stivens Toshkesi ndërroi jetë në spital pasi nuk i mbijetoi dot plagëve. Enzi Maze është arrestuar ndërsa Hoxhaj është në kërkim.
