VAU I DEJËS– Pamjet që shihni tregojnë momentin kur dy autorët vendosin lëndën eksplozive poshtë makinës tip “Audi” të kreut të Partisë Demokratike dega Vau i Dejës, Bernard Ndreca. Siç shihet edhe në videon e më poshtë autorët kanë qenë dy dhe kanë hyrë në oborr me kujdes dhe njëri prej tyre ka vendosur lëndën plasëse në anën e pasagjerit në mjetin e Ndrecës ndërsa tjetri bën roje. E gjithë dinamika ka ndodhur në më pak se gjashtë minuta ndërsa pas vendosjes së eksplozivit ata janë larguar njëri pas tjetrit.
Makina ka shopërthyer sapo Ndreca ka hipur në makinë. Gjithçka ka ndodhur para syve të nënës së tij, e cila kishte dalë për ta përcjellë. Në pamje duket ajo duke u afruar dhe pyetur të birin nëse është mirë.
