TIRANË– Pamjet që po shihni tregojnë momenti e grabitjes me armë të pikës së Këmbimit Valutor në Astir. Siç mund të shihet nga grabitësi i veshur me të zeza, xhup, kapele dhe me maskë në fytyrë futet brenda pikës me armë në dorë dhe nën kërcënimin e armës merr shumën e parave të cilën e fut brenda xhupit. Ndërkohë dy punonjëset shihen të frikësuara dhe nisin të heqin bizhuteritë nga dora.
Në një moment një klient futet në dyqan por ikën me vrap pasi një nga vajzat ia bën me shenjë. Pasi ka marrë shumën e parave ai largohet me vrap me një biçikletë. Autori mbetet ende i paidentifikuar ndërkohë që Policia ka ngritur pika të shumta kontrolli me qëllim kapjen e tij. Deri më tani raportohet se nga aty grabitësi ka arritur të marrë rreth 40 mijë euro.
