TIRANË– Shtimi i numrit të aksidenteve të rënda me pasojë vdekje në rrugët e vendit ka bërë që policia të zbresë në tërren me forca të përforcuara për parandalimin e tyre dhe ndëshkimin e drejtuesve problematikë. Kështu Blutë e Tiranës bëjnë me dije se këtë të premte një shofer është gjoobitur mëe 30 mijë lekë të rinj gjobë dhe i është pezulluar patenta për 12 muaj pasi u kap duke ndjekur nga pas një ambulancë që ishte në shërbim emergjence.
NJOFTIMI I POLICISË:
Tiranë. Ndiqte ambulancën e cila ishte në shërbim emergjence, procedohet me masë administrative dhe pezullim të lejes së drejtimit drejtuesi i automjetit. Policia Rrugore e Tiranës në vijim të kontrolleve të ushtruara për rritjen e parametrave të sigurisë rrugore, në rrugën interurbane Durrës-Tiranë, ka konstatuar dhe ndaluar një automjet që ndiqte ambulancën e cila ishte në shërbim emergjence. Ndaj drejtuesit të automjetit u vendos masa administrative 30000 lekë të rinj si dhe pezullimi i lejes së drejtimit 12 muaj. Policia Rrugore e Tiranës apelon që drejtuesit e mjeteve të tregojnë kujdes në raport me rregullat e qarkullimit rrugor dhe veçanërisht për të mos ndjekur nga afër dhe shfrytëzuar progresionin e lëvizjes së mjeteve të emergjencave, me sisteme zanore dhe pamore ndezur.
