KOLOMBI– Transmetimet live në televizion nuk përfundojnë gjithmonë ashtu siç duhet sidomos kur kemi të bëjmë me incidente të rënda që vijnë nga problemet shëndetësore. Kjo i ka ndodhur një moderatoreje në Kolombi, e cila për një momnet u ndje keq duke humbur ndjenjat në studio. Video u bë menjëherë virale në internet. Në pamje shihet moimenbti kur Elianis Garrido 35 vjeçe shembet në tokë dhe ndihmësit vijnë ta ndihmojnë.
Ajo papritmas mbulon fytyrën me duar dhe rrotullohet në karrigen e saj përpara se të rrëzohet përtokë, ndërsa kamera shkëputet për të treguar kolegun e saj të shqetësuar Ariel Osorio, i cili bëri thirrje për një pushim reklamash.
Pasi Garrido u dërgua me urgjencë në spital, Osorio u tha shikuesve se ajo vuante nga probleme respiratore. Prezantuesja María Fernanda Romero tha se Garrido nuk ndihej mirë për disa ditë për shkak të ndryshimeve në klimë. Garrido, e cila ka 6.2 milionë ndjekës në Instagram dhe 673,000 në Facebook, nuk ka reaguar publikisht për episodin e pazakontë. Incidenti i saj ndodhi dy ditë përpara se meteorologia Alissa Schëartz të rrëzohej gjithashtu gjatë një shfaqjeje live në CBS Los Angeles.
