ELBASAN– Mijëra qytetarë nga e gjithë vendi janë mbledhur në “kryeqytetin” e Ditës së Verës në Elbasan për të festuar këtë festë që simbolizon dhe ardhjen e pranverës. Siç mund të shihet edhe në pamjet e kapura me dron bulevardi kryesor i këtij qyteti është i tejmbushur me njerëz të cilët festojnë, kërcejnë dhe blejnë në stendat e panairit. Ka dhe shumë turistë të huaj të cilët po ashtu kanë zgjedhur që të festojnë në Elbasan.
Atmosfera festive ka nisur rreth një javë më parë por që sot kulmoi me aktivitete në çdo rrugë e lagje të qytetit ikonë të ballokumeve. Ndërkohë në mbrëmje e gjithë magjia e festës do të përmbyllet me një koncert të madh.
