TIRANË– Kryeministri Edi Rama ka pritur këtë të hënë në zyrë homologen e tij daneze Mette Frederiksen, të cilës i ka dhuruar dy shaje të punuar me dorë dhe një çantë. Siç shihet edhe në pamjet e publikuara nga vetë Rama kryeministrja e Danimarkës ka pëlqyer zyrën e kreut të qeverisë, e cila është e mbushur me piktura dhe që është shumë ndryshe me zyrat kryeministrore që jemi mësuar të shohim. Sipas Ramës dhe kancelarja gjermane Angela Merkel është habitur kur ka vizituar zyrën për herë të parë.
Biseda:
Edi Rama: Le të vazhdojmë këtu…Ka disa krijues, arkitektë danezë që punojnë këtu
Mette Frederiksen: Në Tiranë?
Edi Rama: Kanë projekte në Tiranë, është Bjarke Angels, po bëjnë Teatrin e ri.
Mette Frederiksen: Ah, nuk e dija këtë…
Edi Rama: Dhe dikush tjetër me disa danezë të tjerë që ishin fansat tuaj. Është një studio Cebra, kanë fituar për ndërtimin e një kulle
Mette Frederiksen: Për apartamente?
Edi Rama: Apartamente e të ndryshme…Kjo është zyra ime, këtu punoj dhe pikturoj. Ndodh gjatë takimeve.
Mette Frederiksen: Pra, aktualisht ke dy zyra.
Edi Rama: Ju lutem
Mette Frederiksen: Pra, këto janë tuajat
Edi Rama: Po
Mette Frederiksen: Arrij t’i dalloj
Edi Rama: Kjo është për ju, është i punuar me dorë dhe së pari ky është një shall.
Mette Frederiksen: Është shumë i bukur, uau, shumë i bukur
Edi Rama: Dhe ky është një mozaik shumë i famshëm në Shqipërisë. Këtu keni dhe një shall tjetër dhe çantën Me këtë çantë mund të bësh pazar të dielave
Mette Frederiksen: S’kam parë kurrë zyrë të tillë, duhet të jetë e vetmja në botë.
Edi Rama: Merkel tha të njëjtën gjë
Mette Frederiksen: Të njëjtën gjë?
Edi Rama: Po
Mette Frederiksen: I pikturon aty drejtpërdrejtë?
Edi Rama: Jo, jo, përpunohen, priten dhe pastaj prodhohen.
Mette Frederiksen: E këndshme. Më pëlqejnë shumë vizatimet.
Edi Rama: E kam bërë këtë për dialogë të hapur, këtu është drejtoresha.
Drejtoresha: Përshëndetje…
Edi Rama: Kemi një kinema të vogël për studentët dhe grupet që vijnë të bëjnë diskutime e të shohin videot e tyre.
