TIRANË– Kryeministri Edi Rama po zhvillon turin e tij elektoral në qarkun e Dibrës. Gjatë fjalës së tij para qytetarëve në Bulqizë kreu i qeverisë lëvdoi ministren e Infrastrukturës dhe Energjisë njëherazi zëvendkryeministre dhe drejtuese politike e Dibrës Belind Balluku. Rama tha se Balluku është angazhuar tërësisht në këtë qark qëkur mori detyrën si drejtuese politike. Ndër të tjera kryesocialisti e quajti dhe “kokëderre” pasi sipas tij është shumë këmbëngulëse.
Edi Rama: Ky qark ka dhe një avantazh tjetër që ka Belindën këtu, që është burri më i fortë që kemi në qeveri. Përveçse është grua, nënë, shoqe, është kokderre e madhe dhe e keni parë sa shumë rri këtu me ju. Sa e kërkoj thotë jam në Dibër. Kemi vendosmërinë që t’i japim një shtysë të fortë këtij qarku.
