HOLANDË– Një aksident i rëndë është regjustruar në Hollandë. Një video tronditëse ka qarkulluar pak pas aksidentit tregon panikun tek pasagjerët e trenit të tronditur. Treni doli nga shinat dhe më pas u përplas me një makineri ndërtimi. Në video, dëgjohet zëri i një burri, i cili vazhdimisht u bën thirrje pasagjerëve që ndodhen në vagon të “dalin jashtë”. Disa sekonda më vonë, pasagjerë të tjerë shihen duke u përpjekur të hapin derën për të dalë.
Një person ka humbur jetën dhe 30 pasagjerë janë plagosur, si pasojë e përplasjes së trenit që transportonte rreth 50 persona me makinën e ndërtimit. Aksidenti ka ndodhur në fshatin Voorschoten, rreth 55 km në jug të kryeqytetit Amsterdam.
