TIRANË– Një drejtues mjeti e ka pësuar pasi shkeli rregullat e qarkullimit rrugor. Përmes një njoftimi për mediat ku ka shpërndarë dhe videon policia bën me dije se një drejtues mjeti është gjobitur me 12 mijë lekë të rinj dhe i është pezulluar patenta për 16 muaj pasi është kapur duke udhëtuar në sens të kundërt.
NJOFTIMI I POLICISË:
Më datë 14.04.2023, nga monitorimi i rrjeteve sociale, është konstatuar një drejtues automjeti që qarkullonte në sens të kundërt me levizjen, në rrugë inteurbane.. Menjëherë, nga shërbimet e Policisë Rrugore u organizua puna për identifikimin e drejtuesit të automjetit, i cili pasi u lokalizua u shoqërua në Komisariatin Rajonal të Policisë Rrugore Tiranë. Dejtuesi i automjetit u ndëshkua me masë administrative 12 000 lekë të rinj, pezullim të lejes së drejtimit për 16 muaj, si dhe iu zbritën 3 pikë nga pikët e lejes së drejtimit.
