TIRANË– Vijon edhe ditën e sotme mbledhja dy ditore e kryeministrit Edi Rama me ministrat e kabinetit në “Vilën 31” në zonën e ish-Bllokut. Në fotot e postuara nga vetë kreu i qeverisë duken disa nga projektet dhe objektivat që priten të realizohen. Mësohet se të gjitha ministrat po bëjnë një analizë të 12 muajve dhe projektet për këtë vit të ri. Mbledhja maratonë pritet të zgjasë disa orë.
“Vazhdojmë edhe sot diskutimin maratonë të fillimvitit, ku analiza e detajuar e 12 muajve të shkuar na bën shumë optimistë për 2023-shin, po na jep edhe mundësinë e një reflektimi shumë të dobishëm mbi çdo sektor,”shkruan Rama.
