Shumë pak ditë na ndajnë nga nisja e vitit të ri shkollor parauniversitar 2023-24 edhe në qytetin e Elbasanit krahasuar me një vit më parë ka një rënie të regjistrimit të nxënësve sa i përket klasës së parë dhe asaj të dhjetë. Këte vit janë regjistruar në klasën e parë 1.110 nxënës nga 1.200 që u regjistruan vitin e kaluar.
Drejtori i ZVA Elbasan, Ermir Çela është shprehur se pavarësisht uljes së numrit të nxënësve, asnjë mësues nuk hequr nga puna dhe asnjë shkollë nuk është mbyllur. Risitë për këtë sezon sipas tij janë futja e gjuhës rome dhe paketa e sigurisë. Sipas tij i vetmi problem që duhet të zgjidhet është shkolla në Tregan e cila është dëmtuar nga tërmeti 4 vite më parë, ndërsa nxënësit vijojnë ta bëjnë mësimin në Kuqan.Sipas tij Bashkia Elbasan po merr të gjitha masat e nevojshme për rregullimin e saj. Ja si shprehet Ermir Çela:
“Ulja e numrit të nxënësve këtë vit është 100, në klasë të parë dhe 50 në klasën e dhjetë. Pavarësisht uljes së numrit të nxënësve, duke realizuar lëvizjen paralele ka sistemuar të gjithë mësuesit. Risi është hapja e gjuhës rome. Me qëllim që këtyre nxënësve t’i afrohet gjuha amtare. Po ashtu risi është edhe paketa e sigurisë. Në Elbasan nuk ka asnjë shkollë të mbyllur, me përjashtim të bashkimit të dy drejtorive. Problemi kryesor që duhet të zgjidhet është shkolla e Treganit, e cila është e dëmtuar prej tërmetit 4 vite më parë, ndërsa nxënësit po e zhvillojnë mësimin në Kuqan. Në dijeninë time Bashkia Elbasanit po merr të gjitha masat për rregullimin e shkollës.”
