TIRANË– Kryetari i Partisë Demokratike Sali Berisha ka folur gjatë seancës plenare, të parën për këtë vit. Gjatë fjalës së tij ai u ndal tek vjedhja e 120 mijë eurove nga pastruesja Rozeta Dobi në shtëpinë e ish-zyrtres së lartë Alda Klosi. Berisha i pyeti ministrat me radhë në formë ironike nëse Dobi kishte pastruar ndonjëherë në shtëpitë e tyre. Kryedemokrati u ndal dhe tek fluturimet e kryeministrit Rama me çarter dhe rrëzimin e komisionit hetimor për këtë çështje nga mazhoranca.
Sali Berisha: Nga këmbët tek koka funksionon me parimet e një vendi të lirë, ku Kuvend u mohon deputetëve të drejtën legjislative, kushtetuese, është shndërruar i tëri në funksion të një njeriu që ka fjalor dhe argument vetëm sharjen si një ordiner. Kam paraqitur ligjin për heqjen e parashkrimit, në çdo parlament tjetër kjo do përshëndetej kur këtë e bën një kryeministër. Por ju nuk guxoni se dini që kreu juaj drejton një organizatë kriminale. Ju nuk guxoni se keni lavatriçe me lekë në shtëpi. Niko ka ardhur Rozeta në shtëpinë tënde ndonjëherë? Të kujt janë mijë euro? Ulsi thonë edhe këta të tutë se iu ka hyrë në shtëpi. Ku është Ballkuja? Kanë votuar shqiptarët që ne t’ju kontrollojmë dhe ju bëni gjithçka që të na bllokoni kontrollin. Nuk do të pranohet kjo, thuajani Edi Ramën. Ju kërkoni që të na bllokoni ne. E dini që ka firmosur si të jetë kreu i një organizate kriminale. Ka udhëtuar me aeroplan me dhomë gjumi. Historinë nuk na e bëni. Unë nuk do të merrem me ty, je grua dhe zonjë, do t’ja kthej atij që të menaxhon ty në këtë mënyrë. Edi Rama i stis të gjithë këto. I morët vesh tekat e atij.
