TIRANË– “Vjedhja e vitit” është tema kryesore e dy ditëve të fundit. Me daljen e detajeve të reja çështja u bë më e “nxehtë”. Shtëpia ku Havier dhe Rozeta Dobi, nënë e bir kryrn vjedhjen ishte shtëpia e ish-drejtoreshës së Kabinetit të ish-ministrit Arben Ahmetaj. Ajo që bën habi është jeta e luksit që Havier Dobi bënte me lekët e vjedhura me mamin.
Newszone ka bërë një shikim të shkurtër në profilet e tij në rrjetet sociale dhe po mos ta dinim për kë bëhet fjalë do mendonim që kemi të bëjmë me një biznesmen dhe jo me një të ri që kurrë nuk ka firmosur në bordoro për të marrë rrogë.
Havieri kishte një fiksim për luksin, makinat e shtrenjta dhr veshjet “firmato”. Dilema më e madhe e të riut në mëngjes ishte makina që do zgjidhte dhe justifikimi që do jepte tek miqtë e të afërmit për “jetën” e shtrenjtë kur e ëma punonte si pastruese me një rrogë modeste. Kështu Havieri justifikimin e kishte gati dhe shprehej se makimat nuk ishin të tijat por të marra me qira.
Mjë ditë me Benz, një ditë tjetër me Audi e pa dyshim me Masareti. Sigurisht që janë të përballueshme për dikë që në tubin e aspirimit të shtëpisë mban të palosura mbi 500 mijë euro për të cilat nuk ka punuar asnjë ditë. Dilema më e madhe e policisë sot është nga vinin ato para, ku janë vjedhur dhe sa prej tyre i përkasin ish-zyrtares së lartë të shtetit.
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Ministrinë e Financave Alda Klosi. Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale.
