DURRËS– Tre persona kanë rënë në prangat e policisë së Durrësit këtë të enjte pasi akuzohen për vepra të ndryshme penale. Përmes një njoftimi për mediat blutë e qytetit bregdetar bëjnë me dije se ata akuzohen për vjedhje dhe dhunë në famijd.
NJOFTIMI I POLICISË:
Durrës/Vihen në pranga 3 shtetas, njëri prej tyre në kërkim. Specialistët për Hetimin e Krimeve të Komisariatit të Policisë Durrës kapën dhe ndaluan shtetasin në kërkim D. Ll., 42 vjeç, banues në Durrës, të cilin Gjykata e Shkallës së Parë Durrës e ka dënuar me 3 muaj burgim, për veprën penale “Mosdhënia e mjeteve për jetesë”. Specialistët për Hetimin e Krimeve të Stacionit të Policisë Plazh arrestuan në flagrancë shtetasin A. D., 21 vjeç, banues në Durrës, pasi ka vjedhur 11 grila të dritareve, në banesën e shtetasit F. P. Specialistët për Hetimin e Krimeve të Komisariatit të Policisë Krujë arrestuan në flagrancë shtetasin Q. F., 71 vjeç, banues në fshatin Arrameras, Fushë Krujë, pasi ka ushtruar dhunë ndaj djemve të tij. Materialet i kaluan Prokurorisë, për veprime të mëtejshme.
