Ditën e djeshme presidentja e Kosovës Vjosa Osmani kreu një vizitë në presidencë ku u prit nga homologu Bajram Begaj. Osmani me vizitën e saj në presidencë vizitoi për herë të parë Tiranën pas anulimit të mbledhjes mes dy qeverive dhe foli për raportet mes vendeve. Duket se vizita e saj në Shqipëri nuk ka mbaruar akoma, sepse ditën e sotme presidentja ka zgjedhur të vizitojë qytetin e një mbi një dritareve, Beratin. Vjosa Osmani ka ndarë një foto të sajën në rrjetin social ‘Facebook’ duke u shprehur se si një vend i trashëgimisë botërore të UNESCO-s, Berati le të shërbejë si thirrje për t’i ruajtur thesaret e së kaluarës sonë, si një dëshmi e qëndrueshmërisë dhe e shpirtit të popullit tonë. Ja se çfarë shkruan ajo në postin e saj në ‘Facebook’ :
“Përshëndetje nga qyteti i një mbi një dritareve!
Berati, qyteti ku ngjizen natyrshëm trashëgimia kulturore, arti dhe arkitektura e monumenteve.
Si një vend i trashëgimisë botërore të UNESCO-s, le të shërbejë si thirrje për t’i ruajtur thesaret e së kaluarës sonë, si një dëshmi e qëndrueshmërisë dhe e shpirtit të popullit tonë.”
