TEPELENË– Kryeministri Edi Rama po mban fjalën e tij në ceremonën e shpalljes së lumit Vjosa Park Kombëtar. Kreu i qeverisë tha se objektivi i qeverisë është që ta çojnë sipërfaqen e zonave të mbrojtura në vend në 30 për qind nga 21 përqind që është aktualisht. Po ashtu Rama tha se po bashkëpunon me qeverinë greke për pëtr një projekt që do të mbrojë lumin Vjosa. Gjatë fjalës së tij kryeministri nuk i kurseu ironitë me Bashkimin Europian.
Edi Rama: Zbutën lumenjtë e tyre të egër dhe tentuan që përmes Vjosës të bëjnë një larje të ndërgjegjies së tyre. Në të njëjtën kohë ka një shqetësim xhenuin për të kontrobuar për këtë planet që është në një situatë të rrezikshme…Jemi shumë të lumtur, por duhet ta them më troç se sa u përpoq ta thoshte Mirela unë shpresoj që të gjithë këta me Rajanin në krye të mos ikin në drejtim të paditur, pasi garantuan që tigri nuk do të bëhet mace. Të qëndrojnë këtu me ne për të garantuar që këtë pasuri të madhe ta kthejmë në një burim zhvillimi ekonomik sociale dhe ekonomik të qëndrueshëm, në një model në Shqipëri dhe përtej saj. Sot Shqipëria ka 21% të territorit zonë të mbrojtur. E kemi gjetur me shumë më pak dhe çdo vit e kemi rritur sipërfaqen. Ta çojmë shumë më shumë, ky është objektiv. Të krijosh zona të mbrojtura nuk do të thotë që të presësh që ata njerëzdhe komunitetet që kanë ato zona pranë të kthehen në gjendje të egër. Do të thotë që tu japësh atyrë një zhvillim, një ide se nuk mjafton të kesh Vjosën, por të dish ta shfrytëzosh. Ne sot jemi shumë krenarë për shumë gjëra që keni bërë në funksion të mjedisit, të vlerave dhe të jetëve e specieve të panumërta që ka Shqipëria. Shqipëria është i vetmi vend në Evropë me një oraturium kaq të gjerë gjuetie. Na duhet një reformë tjetër për pyjet.
