Gazetarja e njohur, Anila Prifti, nëpërmjet një postimi në Facebook, ka shprehur emocionet që fal një nga poezitë e poetit të mirënjohur Preç Zogaj.
Poezia “Me dasht duke qarë” nga libri poetik “Në çdo pasqyrë na sheh mëkati“, sipas gazetares është një poezi e cila fal emocionet fëmijërore për jetën, kalon kufijtë e dhimbjes, nëpër ato rrugë ku kalon vetë njeriu.
Gjithashtu, gazetarja ka vlerësuar edhe poetin Preç Zogaj për krijimtarinë e tij të pasur ndër vite, të cilat janë shumë të lidhura ngushtë me të dhe lexuesin në tërësi.
Postimi i gazetares Anlia Prifti:
“Me dasht duke qarë
“Me dasht duke qarë”, shkruante poeti, Preç Zogaj në një nga poezitë e librit “Në çdo pasqyrë na sheh mekati”. Besoj kam lexuar pjesën më të madhe të krijimtarisë së tij poetike dhe jam e lidhur me të. Fillimisht, si me një muzë që të afron emocione fëminore për jetën, më pas si një ushqim për dëshirat, ndërsa sot si udhëtim nëpër shtegun që ai ka ndjekur.
Poezia e Preçit, (ndryshe si e shikojnë teknikisht akademikët apo shokët e tij poetë, ata per mua dashje pa dashje e sjellin ne ftohtësi, apo më saktë ne distancë me emocionin), kalon nëpër kufijtë e dhimbjes, nëpër ato rrugë, ku shkel njeriu, jo thjesht Preçi. Ështe një zemër që ecën brishtë në tokën e helmuar. Është një mendje që kërkon përmes ndërgjegjes, kuptimet apo mëkatet.
“Me dasht duke qarë” nuk janë lotët e një gruaje a burri në pamundësi dashurore, është humbja e një jete në betejë, është dorëzimi pas besimit.
“Në çdo pasqyrë na sheh mëkati”, poeti na ballafaqon me identitetin tonë, me atë që jo nuk arritëm, por dhamë. Është filozofia e përkohshmërisë, por poetikisht ardhur si triumf. Poeti i ka shkelur kufijtë e lumturisë pa i njohur ato dhe mëkati që ka forcën më sublime prek shpirtat tanë, përballë pasqyrës së ftohtë dhe të paturp.
Të përqafoj poeti im i dashur!”, shpehet gazetarja.
Gjithashtu poeti Zogaj ka vlerësuar vëmendjen e gazetares duke e parë në këtë pikëpamje si një “bashkëautore” dhe lexuese të jashtëzakonshme të poezive të tij.
“Gjithnje kam dashur e provuar te shkruaj nje lloj poezie te cilen mund ta vazhdoje ne menyren e vet ajo apo ai që e lexon. Nga kjo pikpamje, Anila Priftin, lexuese e jashtezakonshme, e shoh si nje bashkautore te poezive te mia. E deshmojne sentencat e nje kuptim-ndjeshmerie origjinale te postimit te saj“, shprehet Poeti Preç Zogaj.
