VLORË– Është gjetur i pajetë në qytetin e Vlorës një 51-vjeçar, ku mësohet se është nga Kukësi. Ndërkohë shërbimet policore kanë bërë me dije se trupi i 51-vjeçarit është gjetur rreth orës 10:30, në fshatin Alikok, në një kanal me ujë. Viktima është pikasur nga kalimtarët. Nga këqyrja paraprake e trupit nuk janë konstatuar shenja dhune, ndërsa nuk dihen shkaqet e vdekjes së tij.
Njoftimi i policisë
Rreth orës 10:30, në fshatin Alikok, është gjetur pa shenja jete, në një kanal me ujë, shtetasi A. K., 51 vjeç, me vendbanim në Kukës. Nga këqyrja paraprake e trupit nuk janë konstatuar shenja dhune. Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes.
