VLORË- Policia e Vlorës ka nisur këtë të hënë aksion në të gjithë qytetin duke kryer kontrolle në ambientet e mbyllura, magazina, sera dhe ambiente të tjera të ngjashme. Bëhet me dije se ka qenë Ermal Mucaj, kreu i Policisë së Vlorës, i cili ka kërkuar nga efektivët të ushtrojnë kontrolle në të gjitha ambientet e mbyllura në qytetin bregdetar.
Gjithashtu mësohet se kontrollet do të shtrihen në gjithë qarkun, ku fokus i tyre janë ato ambiente, në të cilat dyshohet se mund të kultivohet lëndë narkotike kanabis.
