DIVJAKË– Tre të mitur janë vënë nën hetim ndërsa një tjetër ëeshtë shpallur në kërkim nga Policia pasi akuzohen për vjedhje. Sipas Policisë katër të miturit të moshave 16 dhe 15 vjeç kanë hyrë në banesën e një personi dhe kanë marrë nga atje 15 milionë lek të vjetra. Për shkak të moshës ata hetohen në gjendje të lirë. Materialet procedurale i kaluan Prokurorisë për hetime të mëtejshme.
NJOFTIMI I POLICISË:
Në Divjakë, u referuan materialet në Prokurori ku nisi procedimi në gjendje të lirë për shkak të moshave, për dy shtetas 16-vjeçarë dhe për një shtetas 15 vjeç, si dhe u shpall në kërkim një shtetas tjetër 15 vjeç, pasi dyshohet se në bashkëpunim me njëri-tjetrin, më datë 01.07.2023, kanë vjedhur në banesën e një shtetasi, një shumë të konsiderueshme parash. Burime bëjnë me dije se bëhet fjalë për një shumë prej 15 milionë lekësh të vjetra që është marrë nga banesa në fjalë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
